В среду 1 октября 2014 в 18 часов во временной часовне на месте строящегося храма в честь Курской-Коренной иконы Божией Матери - Патриаршего подворья в Вязовке г. Москвы впервые будет совершено вечернее богослужение с присоединением акафиста мученицам Вере, Надежде, Любови и матери их Софии.
Святым мученицам Вере, Надежде и матери их Софии молятся об охранении детей от искушений мира и о любви и единомыслии между родителями и детьми.
МОЛИТВА.
Вас, святыя мученицы Веро, Надеждо и Любы, славим, величаем и ублажаем, купно с мудрою материю Софиею, ейже покланяемся, яко образ богомудраго попечения являющей. Умоли, святая Веро, Творца видимых и невидимых, да веру крепку, неблазненну и нерушиму подаст нам. Ходатайствуй, святая Надеждо, пред Господем Иисусом за нас грешных, да упование на благая Своя не отженет от нас, и от всякия скорби и нужды да избавит ны. Исповеждь, святая Любы, Духу истины, Утешителю, напасти и печали наша, да Той свыше сладость небесную низпослет душам нашим. Помозите убо в бедах наших, святыя мученицы, и купно с мудрою материю вашею Софиею, молите Царя царей и Господа господствующих, да сохранит (имена) под покровом Своим, да купно с вами и со всеми святыми превознесем и препрославим пресвятое и великое имя Отца и Сына и Святаго Духа, предвечнаго Владыки и благих Содетеля, ныне и присно и во веки веков.
Тропарь, глас 4.
Торжествует Церковь первородных, / и свеселится приемля матерь о чадех веселящуюся, / яже яко мудрости тезоименитая / тройственным богословским добродетелем равночисленныя породи. / Тыя с мудрыми девами зрит уневестившияся Жениху Богу Слову, / с нею и мы духовне в памяти их свеселимся, глаголюще: / Троицы поборницы, / Веро, Любве и Надеждо, / в вере, любви и надежде утверждайте нас.
Кондак, глас 1.
Софии честныя священнейшия ветви/ Вера и Надежда и Любовь показавшеся,/ мудрость обуиша еллинскую благодатию,/ и пострадавше, и победоносицы явившеся,// венцем нетленным от всех Владыки Христа увязошася.